駝背, 感覺立即老左十年, 唔係跨張架。背部係最容易比大家忽略嘅一部份, 通常聽人講要減肥, 都係減肚腩、手臂、大腿等等, 好少聽人講要減下背, 咁又係, 背脊, 減咩呢?
所以我地唔係要減背, 而係要練習背部肌肉, 肌肉有力之後, 唔好講踢走駝背, 人都立即企直左, 高左, 腰背肌肉又實正埋, 咁先一舉幾得嘛。
最近響網上看到一個日本好紅嘅鍛鍊背部動作, 簡單到人人都做到, 又唔受地域限制, 即係好多地方都做到, 只係...坐車就未必夠位做。
動作:
1. 挺直腰背, 張開胸口, 手臂向後
2. 手指交叉插實, 手心向下
3. 手背放頸後
4. 保持呼吸, 維持動作15秒
5. 早晚各重複5次
其實我覺得呢個動作一得閒就可以做, 尤其在寫字樓坐得耐, 對坐電腦成日好容易會有肩頸背痛, 呢個動作有助於伸展胸部及鍛鍊背部肌肉。試試響2星期後, 你會感受到身體嘅變化。